ტრენინგის მეხუთე დღეს საინტერესო იყო იმ თვალსაზრისით, რომ გავეცანით დროში გაწერილ შეფასების გეგმას, თუ როგორ შეიძლება გაიწეროს გეგმა - პროექტზე მუშაობის დაწყებამდე, პროექტის მსვლელობისას და მისი დასრულების შემდეგ. გავეცანით შეფასების ხუთ სტრატეგიას: მოსწავლეთა წინარე ცოდნისა და საჭიროებების შეფასება. ეს დამეხმარება მოსწავლეების სასწავლო საჭიროებების შესაფასებლად.
წახალისების, თვითრეგულირებადი სწავლისა და თანამშრომლობის შეფასების სტრატეგიით შევაფასებ მოსწავლეების უნარებს, თუ რამდენად ართმევენ თავს საკითხის შესწავლას;
პროგრესის მონიტორინგით განვსაზღვრავ, თუ სად და როდის დასჭირდებათ მოსწავლეებს დამატებითი დახმარება ან ახსნა.
გაგების შემოწმება და მეტაშემეცნების წახალისების სტრატეგიით მოსწავლეებს მკაფიო კითხვების დასმით დროულად ვეხმარებით , გაიაზრონ, თუ რას და როგორ აკეთებენ;
მოსწავლეების გაგებისა და უნარების შემოწმების მიზნით, ვიყენებ მეხუთე სტრატეგიას.
რაც მთავარია, ტრენინგზე გავიაზრეთ, თუ როგორ უნდა გამოვიყენოთ ეს სტრატეგიები პროექტზე მუშაობის დროს. თუმცა ამ სტრატეგიებიდან უნდა გამოვიყენოთ ის მეთოდები და ინსტრუმენტები, რომლებიც მოცემულ პროექტზე მუშაობისას გამომადგება.
No comments:
Post a Comment